دکورنۍ دحقوقو ورکشاپ جوړ شو

دکورنۍ دحقوقو ورکشاپ جوړ شو
دکورنۍ دحقوقو په نامه يوورکشاپ په هلمند ولايت کې پرانستل شو . دهلمند ولايت داستيناف محکمې رييس سيد حسين نجيبي دباختر اطلاعاتي اژانس ته وويل دغه ورکشاپ دبيا جوړونې دولايتي ټيم په مرسته ددغه ولايت دمرکز او اتو ولسواليو دقضايي او عدلي ادارو کارکوونکو ته جوړ شوى چې قاضيان ،څارنوالان ، مدافع وکيلان ، دبشر دحقوقو استازي ، دعدليې رياست مسوولين ، دښځودچارو رياست استازي او ځينې نور ي اداري پکي برخه لري . په دغه ورکشاپ کې دکورنۍ دحقوقو ، دبچيانو په وړاندې دکورنۍ دچارواکو ددندو او دمدنې حقوقو په ګډون دنورو موضوعګانو په باب دعدلي او قضايي پياوړو ښوونکو له خوا لوست ورکول کيږي . دغه ورکشاپ به لس ورځي دوام وکړې . (دباختر اطلاعاتی آژانس)