سفير او فوق العاده استازی

سفير، د روسيې په فدراتيف جمهوريت کې د افغانستان د ولس مشر او حکومت رسمي استازی دی.
په دې ټوګه هغه په روسيه کې د خپل هېواد تر ټولو نه لوړ پوړې نماينده ګڼل کېږي.
په روسيه کې د افغانستان لوی سفير عزیزالله کرزی دی.
ښاغلي عزیزالله کرزي، د ۲۰۱۰ کال د اکتوبر په لسمه خپل باور لیک د روسيې ولس مشر ديمتري اناتوليوويچ ميدويدوف ته وړاندې او په رسمي توګه د روسيې په فدراتيف جمهوریت کې د افغانستان د اسلامي جمهوريت د لوی سفير او فوق العاده استازي په توګه ومنل شو.
د روسيې په فدراتيف جمهوريت کې د افغانستان د اسلامي جمهوريت سفير ،هممهاله د ارمنستان،اذربايجان ،بلاروسيه ،ګرجستان او ملاداويا په هېوادونو کې د افغانستان غير مقيم سفير دی.
د ښاعلي عزيزالله کرزي لنډ ژوند ليک:
دزوکړې نېټه: د ۱۹۳۶ کال د جون ۲۳ نېټه
د زوکړې ځای :افغانستان، کندهار.
ښاغلي کرزی په پښتو،دري، عربي، انګلسي او اردو ژبو پوهېږي، غېږېږي او ليکنې پرې کولای شي.
زده کړې:
-۱۹۶۷ کال : کابل پوهنتون، د حقوقو پوهنځی ،سياسي علوم
-۱۹۷۰کال : عسکري خدمت.
-۱۹۷۶کال : په پاکستان کې د افغانستان د قونسلۍ لومړی سکرتر.
-۱۹۷۹ کال : د افغانستان د بهرنيو چارو وزارت دپروتوکول دڅانګې غړی.
-۱۹۸۲ کال : د چک په جمهوریت کې د افغانستان قونسل.
-۱۹۸۳ کال : د چک د پراګ پوهنتون کې د سياسي علومو او ديپلوماسي د ماسترئ اخيستل.
- ۱۹۸۵کال : د افغانستان د بهرنيو چارو وزارت دلومړي مديريت غړی.
- ۱۹۸۷کال : په عراق (بغداد) کې د افغانستان د سفارت لومړی سکرتر.
- ۱۹۸۹کال : دملګرو ملتو د کډوالو د ادارې په څانګه کې څارونکی
- ۱۹۹۴-۲۰۰۰ کال : په پولند کې د افغانستان سفير.
- ۲۰۰۰-۲۰۰۲ کال : د افغانستان د ولس مشر مشاور.
- ۲۰۰۲-۲۰۰۶کال : په چک کې د افغانستان سفير.
- ۲۰۰۷-۲۰۱۰کال : په سعودي عربستان کې د افغانستان سفير
د ۲۰۱۰ کال د اکتوبر له مياشتې راهیسي په روسيه کې دافغانستان لوی سفیر.