قونسلي ځانګه

زموږ له سايته د دغو فورمو تر لاسه کول د Adobe Acrobat Reader پروګرام ته اړتيا لري. که ستاسو کمپيوتر دغه پروګرام نه لري، کولای شي، هغه همدلته کېښکاږي، په اسانۍ او په وړيا توګه هغه په خپل کمپيوتر کې ځای پر ځای کړئ.

دسفارت قونسلۍ څانګه د کار په رسمی ورځو کې ستاسو دچارو د سرته رسولو لپاره پرانستې وي.

د قونسلي څانګې د کار مهال ويش:
د اسنادو منل: د سهار له لسو بجو نه تر يوې بجې پورې.
د اسناد بيرته سپارل: د ماسپښين له يوې نيمې بجې نه تر درې بجو او ديرشو دقيقو پورې.
د خپلو چارو د سرته رسولو لپاره داټکي په پام کې ولرئ :

1. د پاسپورت اخيستل.
فورمه، په رڼو جامو کې د ۵/۴ پر ۵/۳ کې درې قطعې عکسونه او پخوانی زوړ شوی پاسپورت. دپاسپورت اخيستو پر وخت، قونسلۍ ته د پاسپورت اخيستونکي راتګ حتمي دی.

که پاسپورت ورک شوی وي، د دغو چارو او اسناد بشپړول هرو مرو دي:
د پوليسو تصديق (справка) ،په ورځپانو کې خپور شوی اعلان او د دوو تنو داسې شاهدانو راوستل چې افغاني پاسپورت ولري.

2. د پاسپورت تمديد.
د پاسپورت تمديدولو غوښتنليک او اصلي پاسپورت.
تجارتي پاسپورتونه، يوازې او يوازې د تجارتي جواز پر اساس، د سلو ډالرو په بدل کې د یوه کاله لپاره تمديديدای شي.
هر هغه څوک چې له کوم معقول معذرته پرته، د پاسپورت د وخت د پای ته رسيدو نه وروسته، په درې مياشتو کې، دتمديد لپاره نه وي راغلي، د پاسپورت د جزائی احکامو د قانون له مخې، د هر تير شوي کال په بدل کې په نقدي جريمه محکوميږي.

3. د مور يا پلار په پاسپورت کې د ماشومانو د نومونو ليکنه:
فورمه، د ماشوم دوه قطعې عکسونه ۳/۴، د مور يا پلار پاسپورت او د زوکړې تصدیق.

4. افغانستان ته د تګ اجازه ليک.
د دوهم هيواد د پاسپورت اصلي او کاپي.
د ماشومانو لپاره د زوکړې سند.

5. هيواد ته د ستنيدو پاڼه.
غوښتنليک، د افغاني اسناد کاپي او يوه قطعه عکس.

6. د تجارتي، تحصيلي او نورو اسنادو تصديق.
(د بهرنيو چارو وزارت له خوا تصدیق شوی) اصل اسناد.

7. د افغاني هويت يا پيژندنې تصديق.
غوښتنليک او د افغاني پيژندنې اصلي سند.

8. دنکاح وثيق
د پاسپورت اصل او کاپي، دنکاح کوونکو او شاهدانو دوه دوه قطعې عکسونه. دنکاح کوونکو او دوه مسلمانو شاهدانو حضور حتمي دی.
که ناکح او یا منکوحه حاضر نه وي، دهغو د وکیلانو شتوالی حتمي دی.

9. دجرمي مسئوليت د نشتوالي تصدیق.
فورمه، يو قطعه عکس، د تذکرې یا پاسپورت کاپي.
دا اسناد د رسمي چارو د کتنې او قانوني څيړنو دسرته رسيدو لپاره افغانستان ته ليږل کيږي، کله چې هلته د اړوندو چارو د سرته رسیدو نه وروسته، بيرته راشي، نو هغه وخت بيا د اړتيا وړ تصدیق ورکول کيږي.

10. مجردۍ تصدیق.
مجردی تصدیق د افغانستان د محاکمو د وثیقو له مخی او د بهرنيو چارو وزارت د تائید نه وروسته وروکول کيږي.
يادونه:
که کوم څوک د بلوغ تر کلو دمخه له افغانستانه وتلی وي او هيڅکله يې افغانستان ته سفر نه وي کړی، د تصديق دغوښتونکي له خوا د وړاندي شويو اسناد او غوښتنليک له مخې هغه ته هغه وخت د جردئ تصديق ورکول کيږي، چې، دوه تنه شاهدان او نورو درې تنه دهغه دمجردئ سپارښتنه وکړي.

11.وکالتنامه.
فورمه( اول، دوم مخ) ، د موکل حتمي شتوالی، دوه تنه شاهدان، په وکالتنامې کې په څرګنده او برالا د موضوع او د شرعی قوالی شمیره او حدود، د وکلاتنامې د وخت اعتبار يادونه او دهغو دوه قطعې عکسونه حتمي دي.

12. د وراثت چارې.
فورمه، د وراثانو شته والي، دوه تنه شاهدان، د وراثت له اصلی سند سره مل د درې تنو اقرارکوونکو شته والی او دوه دوه قطعې عکسونه.

13. د افغانستان دتابعيت اخيستل او يا د تابعيت پرېښودل.
په درې کاپيو کې د تابعيت د پرېښودو فورمه (اول، دوم مخ) ،قلمي غوښتنليک، درې قطعې عکسونه، د لسګونو ګوتو د نښو فورمه په دوې کاپيو کې او د تذکرې کاپي.
د قونسلۍ چارې په غيابي توګه تر سره کیدای نه شي.